Ons vat die pad oor die Augustus langnaweek, weet nie regtig watter kant toe nie maar ons eindig die eerste aand op in die Kagga Kamma, die blomme is pragtig en ons besluit om op hul 4x4 roete te kamp by die Bobbejaankrans.
Lana was die prinses van haar klipstapel en het die manne goed laat verstaan wie hier in beheer was. 
Hierdie is in die rivierloop net suid van die Katbakkies pas waar ons middag peikniek gestaan het.
Tipiese Cederberg formasies
Met die sneeu op Sneeuberg in die agtergrond het dit snags lekker koud geraak, maar ons kon genoeg tyd om die vuurtjie spandeer met lekker gluwein wat ons van binne af die jassies laat aantrek het.
Hierdie is 'n heerlike uitspan padstal op die Ceres Karoo pad, ons het hier duskant die padstal 'n twee spoor paadjie Oos gevolg in die rigting van die Tankwa Karoo en Sutherland. By die padstal kry mens sommer tee en koffie op die huis aangesien die mense hier so uitgehonger is vir 'n geselsie.
Die verassing van die naweek was die Bossieskerm. Dit is 'n "loyalty" padstal waar jy alles kan kry van biltong en droewors en lekkers tot tuisgebakte beskuite en koekies en vleis, bier en koeldrankies op die ys in koelbokse, die vuur is net reg vir aansteek en die blikbekers is teen die mure en ook te koop...die groot verassing is dat jy net jou geld in 'n ou melkkan hoef te sit! Mens kan nie dink dat dit in Suid Afrika so kan werk nie en die melkkan is behoorlik vol geldnote! Dit is egter net 4 maande van die jaar oop en maak toe teen die tyd wat die boere weer met hul vee trek omdat die veld in die droe seisoen giftig raak vir die diere.
Dit was so lekker dat ons sommer net hier nes geskrop het!
Bells in 'n Ilovo goue stroop beker asseblief!
Ons vriende Karsten, Dahria en hul kinders wat saam gery het, dankie aan almal vir opnuut waardering vir die mooi daar buite!
Tot volgende keer!!
No comments:
Post a Comment